لگتا ہے آئی جی سندھ کا ذہنی توازن ٹھیک نہیں، عاجز دھامراہ

اسلام ٹائمز۔ پیپلز پارٹی کے رہنما عاجز دھامراہ نے کہا ہے کہ لگتا ہے آئی جی سندھ کا ذہنی توازن ٹھیک نہیں، آئی جی سندھ نے 3 اداروں کو چیلنج کیا ہے، شاید پی ٹی آئی سے آئی جی سندھ کو تھپکی مل رہی ہے۔ پی پی رہنما عاجز دھامرا نے آئی جی سندھ کلیم امام کے بیان پر ردعمل دیتے ہوئے کہا کہ آئی جی نے چیف سیکرٹری کو خط لکھا اور خود میڈیا کے حوالے کردیا، لگتا ہے آئی جی سندھ کا ذہنی توازن ٹھیک نہیں، آئی جی سندھ نے 3 اداروں کو چیلنج کیا ہے۔ عاجز دھامراہ نے کہا کہ شاید پی ٹی آئی سے آئی جی سندھ کو تھپکی مل رہی ہے۔ انہوں نے کہا کہ اس سے قبل بھی آئی جی سندھ صوبائی حکومت کےخلاف سازش کرتے رہے، کیا آئی جی سندھ، سندھ حکومت کو آئینی طور پر تسلیم نہیں کرتے؟۔