نئی دہلی:
اسلام ٹائمز۔ بھارت کی حکمران جماعت کانگریس کے رہنما مانی شنکر ایار نے کہا ہے کہ بابری مسجد کی شہادت کی ذمہ داری اس وقت کے وزیراعظم پی وی نرسمیہا راؤ پر عائد ہوتی ہے، مسجد کی شہادت بڑا سانحہ تھا۔ بھارتی دارالحکومت نئی دہلی میں ایک تقریب کے دوران میڈیا سے بات چیت کرتے ہوئے مانی شنکر ایار کا کہنا تھا برسوں پہلے رام رحیم یاترا کے دوران راؤ نے کہا کہ انہیں کانگریس کی سیکولرازم کی پالیسی سمجھ میں نہیں آتی ہے۔ شکر نے کہا کہ سیکولر ازم پر نرسیمہا راؤ کو کانگریس سے اختلاف تھا۔