چین امریکا کی جگہ سپر پاور بن جائیگا

اسلام ٹائمز۔ متعدد جرمن شہریوں کا کہنا ہے کہ چین امریکا کی جگہ سپر پاور بن جائے گا۔ غیر ملکی میڈیا کے مطابق ایک نئے سروے میں متعدد جرمن شہریوں کا کہنا تھا کہ امریکی عالمی بالادستی کمزور ہو رہی ہے اور آئندہ دہائیوں میں چین امریکا کی جگہ سپر پاور بن جائے گا۔ برطانوی سروے میں 42 فیصد جرمن شہریوں نے امریکی عالمی بالادستی کمزور ہونے کو تسلیم کرلیا ہے جبکہ صرف 14فیصد شہریوں کا خیال ہے کہ امریکی عالمی بالادستی قائم رہے گی۔