واشنگٹن:امریکی وزیر خارجہ ہیلری کلنٹن کا کہنا ہے کہ ایرانی جوہری پروگرام کے معاملے پر چین اور امریکا کے درمیان ہم آہنگی پائی جاتی ہے۔واشنگٹن میں چینی ٹیم کے ساتھ اعلیٰ سطحی مذاکرات کے بعد ہلری کلنٹن نے کہا کہ چین اور امریکا اس بات پر متحد ہیں کہ ایران کو جوہری ریاست نہیں بننا چاہئے۔ انہوں نے کہا کہ دونوں ممالک کا خیال ہے کہ جوہری استعداد سے لیس ایران خطے میں اسلحے کی دوڑ کا سبب بنے گا اور اس سے مشرقِ وسطیٰ اور خلیجی ممالک میں عدم استحکام کا خدشہ ہے۔