اسلام ٹائمز۔ بلوچستان حکومت نے سانحہ مچھ میں دہشتگردوں کی گرفتاری پر 20 لاکھ روپے انعام مقرر کردیا۔ ذرائع کے مطابق کاؤنٹر ٹیررازم ڈیپارٹمنٹ (سی ٹی ڈی) نے سانحہ مچھ میں ملوث عناصر سے متعلق نمبر جاری کرتے ہوئے کہا ہے حملہ آوروں کے بارے میں 0819213460، 15 ،0819202777 پر اطلاع دی جائے جب کہ اطلاع دینے والے کو 20 لاکھ انعام دیا جائے گا۔ واضح رہے کہ بلوچستان کے ضلع بولان کی تحصیل مچھ میں 3 جنوری کو نامعلوم افراد کوئلے کی کان میں کام کرنے والے مزدوروں کو اغوا کرکے پہلے پہاڑوں پر لے گئے اور پھر ان کو فائرنگ کرکے شہید کردیا تھا۔