بھارت کی ایل او سی پر بلااشتعال گولہ باری، دو بزرگ شہری زخمی

اسلام ٹائمز۔ بھارتی فوج کی کنٹرول لائن پر بلا اشتعال گولہ باری سے  دو شہری زخمی ہوگئے۔ آئی ایس پی آر کے مطابق بھارتی فوج نے بروہ اور کھنجر سیکٹر میں شہری آبادی پر مارٹر گولے پھینکے۔ بلااشتعال فائرنگ سے ایک ہی خاندان کے دو بزرگ زخمی ہوئے۔ زخمیوں کو ضروری طبی امداد کے لئے قریبی اسپتال پہنچا دیا گیا، آئی ایس پی آر کے مطابق بھارت رواں سال اب تک جنگ بندی کی 38 مرتبہ خلاف ورزی کرچکا ہے۔