اسرائیل جنگ ہار گیا ہے، عزت کا راستہ فقط مقاومت کا راستہ ہے

متعلقہ فائیلیںرپورٹ: ایس ایم عابدی

مجلس وحدت مسلمین پاکستان کراچی ڈویژن کے زیر اہتمام سالانہ القدس کانفرنس و دعوت افطار آئی آرسی لان فیڈرل بی ایریا کراچی میں منعقد ہوئی، جس سے خصوصی خطاب سربراہ ایم ڈبلیو ایم پاکستان علامہ راجہ ناصر عباس جعفری نے کیا۔ تقریب کا آغاز قاری محمد حسین نے تلاوت کلام الہیٰ سے کیا جبکہ معروف اہل سنت نعت خواں پیر معاذ علی نظامی نے بارگاہ رسالتؐ میں عقیدت کے پھول نچھاور کئے۔ اس موقع پر نظامت کے فرائض علامہ مبشر حسن نے انجام دیئے۔ کانفرنس کے دیگر مقررین میں ایم ڈبلیو ایم صوبہ سندھ کے صدر علامہ سید باقر عباس زیدی، مرکزی صدر وحدت یوتھ پاکستان مولانا تصور علی مہدی، نائب امیر جماعت اسلامی کراچی مسلم پرویز، چیئرمین متحدہ علماء محاذ مولانا محمد امین انصاری، جنرل سیکریٹری فلسطین فاؤنڈیشن پاکستان ڈاکٹر صابر ابو مریم، صوبائی رہنما شیعہ علماء کونسل سندھ علامہ کامران حیدر عابدی، صدر مجلس ذاکرین امامیہ علامہ نثار احمد قلندری، صدر مرکزی تنظیم عزاداری ایس ایم نقی شامل تھے۔ کانفرنس میں اختتامی دعا بزرگ عالم دین مولانا مرزا یوسف حسین نے کروائی۔ تقریب میں پاکستان عوامی تحریک، پاکستان پیپلز پارٹی، جماعت اسلامی، متحدہ علماء محاذ، جعفریہ الائنس، شیعہ علماء کونسل، آئی ایس او، امامیہ آرگنائزیشن، جعفریہ آرگنائزیشن، مرکزی تنظیم عزا، مرکزی تنظیم عزاداری، مجلس ذاکرین امامیہ، مجلس علمائے مکتب اہل بیتؑ کے وفود، مختلف شیعہ سنی، بریلوی، دیوبندی علمائے کرام، سکھ کمیونٹی کے رہنما، شیعہ آئمہ جمعہ و الجماعت، علمائے کرام، ذاکرین عظام، مساجد و امام بارگاہ کے منتظمین، ماتمی انجمنوں کے عہدیداران، مختلف تنظیمات کے رہنما، اسکاؤٹ گروپس کے لیڈرز، وکلاء، مذہبی، سماجی و سیاسی شخصیات سمیت مختلف شعبہ ہائے زندگی سے تعلق رکھنے والی شخصیات نے بڑی تعداد میں شرکت کی۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔(ادارہ)
https://www.youtube.com/c/IslamtimesurOfficial