اسلام ٹائمز۔ متحدہ قومی موومنٹ کے قائد الطاف حسین نے کہا ہے کہ فوج ہر مظلوم کیلئے امید کی آخری کرن ہے، میں نے امداد طلب کرکے کون سا گناہ کیا؟۔ میڈیا کیلئے بیان میں ان کا کہنا تھا کہ افواج پاکستان میری اپنی ہیں، دل سے احترام کرتا ہوں اور کھلے دل سے فوج کی قربانیوں کا معترف ہوں، میرے کسی جملہ سے کسی کی دل آزاری ہوئی تو معذرت خواہ ہوں۔ قائد متحدہ نے کہا کہ سیاسی چپقلش نے ملک کو دیوالیہ ہونے کے قریب کر دیا، سیاسی و مذہبی جماعتیں، سنجیدہ قلم کار اور دانشور آگے بڑھ کر معاملات کو مذاکرات کے ذریعے حل کرنے کیلئے فریقین کو سمجھائیں اور ملک کو سیاسی دلدل سے نکالیں۔