اسلام ٹائمز۔ دھوبی گھاٹ گراؤنڈ فیصل آباد میں مجلس وحدت مسلمین ضلع فیصل آباد کے زیراہتمام قرآن و اہلبیت ع کانفرنس شروع ہو گئی ہے۔ ضلع فیصل آباد کے مخلتف علاقوں سے لوگ جوق در جوق پہنچنا شروع ہو گئے ہیں۔ ایم ڈبلیو ایم کے مقامی و مرکزی عہدیداران نے خطاب کرتے ہوئے کانفرنس کی اہمیت و افادیت پر اظہار خیال کیا۔ مقررین کا کہنا تھا کہ ملک اس وقت کئی بحرانوں سے دوچار ہے، جس میں سب سے بڑا اور اہم ایشو ملک میں جاری دہشتگردی ہے۔ وطن عزیز میں ملت تشیع کی ٹارگٹ کلنگ کی جا رہی ہے، لیکن قانون نافذ کرنے والے ادارے اور حکومت اسے روکنے میں ناکام دکھائی دیتے ہیں۔ کانفرنس کا پہلا سیشن ختم ہو چکا ہے۔ اس موقع پر نماز جمعہ مولانا غلام قاسم کی اقتدا میں ادا کی گئی۔
