لانگ مارچ (2)

اسلام ٹائمز۔ دفاع پاکستان کونسل کے زیراہتمام لاہور سے اسلام آباد کی طرف جانے والا لانگ مارچ گوجرانوالہ میں پہنچ کر جلسے کی شکل اختیار کر گیا۔ جس سے کونسل کے چئیرمین مولانا سمیع الحق، امیر جماعت اسلامی سید منور حسن، امیر جماعت الدعوة حافظ محمد سعید، عوامی مسلم لیگ کے سربراہ شیخ رشید احمد، لیفٹینٹ جنرل (ر) حمید گل، جے یو آئی نظریاتی گروپ کے جنرل سیکرٹری مولانا عبدالقادر لونی اور دیگر نے خطاب کیا۔ قائدین نے جلسے سے خطاب کرتے ہوئے کہا کہ امریکہ افغانستان میں شکست کھا رہا ہے، اور اپنی خفت مٹانے کے لئے اب پاکستان سے بدلہ لے رہا ہے۔ انہوں نے کہا کہ لانگ مارچ اسلامی انقلاب کا پیش خیمہ ثابت ہوگا اور پاکستان کو امریکی غلامی سے نجات دلائے گا۔ ان کا کہنا تھا کہ تمام مسائل کا حل امریکہ کے غلام حکمرانوں سے نجات ہے۔ جلسے کے اختتام پر شرکاء براستہ وزیر آباد اسلام آباد کی طرف روانہ ہوئے اور گجرات میں رات تین بجے تک جلسہ جاری رہا۔