حزب اللہ کے اسرائیلی فوجی ٹھکانوں اور صیہونی بستیوں پر 8 حملے

اسلام ٹائمز۔ آج صبح سے لبنان کی اسلامی مزاحمتی تنظیم حزب اللہ نے مقبوضہ فلسطین کے شمال میں اسرائیلی فوجی ٹھکانوں اور صیہونی بستیوں پر آٹھ بار میزائل حملے کئے اور تازہ ترین واقعات میں انہوں نے "شلومی" اور "المطلہ" قصبوں میں صیہونی فوجیوں کے چھپنے کی جگہ کو نشانہ بنایا۔ اسلامی جمہوریہ ایران کے خبر رساں ادارے فارس نیوز کے مطابق حزب اللہ تحریک کے جنگجوؤں نے غزہ کے عوام کی حمایت اور لبنان کے غیر آباد علاقوں پر صیہونی حملوں کا جواب دینے کا سلسلہ جاری رکھا، آج ہفتے کے روز مقبوضہ فلسطین کے شمال میں واقع اسرائیلی بستی شلومی میں دو عمارتوں کو نشانہ بنایا۔ یہ عمارتیں اسرائیلی فوجیوں کی چھپنے کی جگہیں تھیں۔ اس کے بعد لبنانی مزاحمتی فورسز نے "المطلہ" قصبے میں بھی کچھ عمارتوں کو نشانہ بنایا۔ ان حملوں میں ہونے والی ممکنہ ہلاکتوں کے اعداد و شمار ابھی تک شائع نہیں کیے گئے۔

حزب اللہ کی فورسز نے ایک گھنٹہ قبل مقبوضہ فلسطین کے شمال میں واقع "حانیتا" کے ہیڈ کوارٹر میں اسرائیلی فوج کے جاسوسی کے آلات کو بھی نشانہ بنایا۔ لبنان کی حزب اللہ نے، جس نے آج صبح مغربی الجلیل میں "حدب یارین" اڈے کو مناسب ہتھیاروں سے نشانہ بنانے کی ذمہ داری قبول کی اور آج شام اعلان کیا کہ انہوں نے مقبوضہ "کفرشوبا" کی بلندیوں میں واقع "رویسات العلم" بیس پر قابضین کے خلاف اپنی کارروائیاں جاری رکھیں اور اس کے ارد گرد اسرائیلی فوجیوں کے ٹھکانے کو توپ خانے کے گولوں سے نشانہ بنایا۔ لبنانی مزاحمت نے اعلان کیا کہ اس نے "ایفن میناحم" شہر کے مشرق میں اسرائیلی فوجیوں کے ٹھکانے پر راکٹ سے حملہ کیا۔ اسی طرح لبنان کی حزب اللہ نے آج اعلان کیا کہ وہ "الراهب" سرحدی مقام پر قابض فوج کے جاسوسی آلات کو نشانہ بنانے اور ہدف کو درست طریقے سے نشانہ بنانے کی ذمہ دار ہے۔