امریکی جارحیت کی صورت میں لاکھوں قبائل وطن عزیز کے دفاع کیلئے پاک فوج کا ساتھ دیں گے، زر نور آفریدی

اسلام ٹائمز۔ جماعت اسلامی فاٹا کے نائب امیر اور ممتاز قبائلی رہنماء زر نور آفریدی نے کہا ہے کہ اگر امریکہ نے پاکستان کے خلاف جارحیت کی تو لاکھوں قبائل وطن عزیز کے دفاع کے لئے پاک فوج کے شانہ بشانہ لڑیں گے۔ پاکستان فوری طور پر امریکی اتحاد سے علیحدہ ہو جائے۔ ان خیالات کا اظہار انہوں نے المرکز اسلامی پشاور سے جاری کردہ ایک بیان میں کیا۔ انہوں نے کہا کہ امریکی فوج افغانستان میں شکست کھا چکی ہے اور وہ اپنی شکست کا بدلہ پاکستان سے لینا چاہتی ہے۔ 
انہوں نے کہا کہ قبائل نے ہمیشہ اسلام اور پاکستان کی سربلندی کے لئے کسی قربانی سے دریغ نہیں کیا۔ انہوں مطالبہ کیا کہ پاکستان کے راستے ناٹو کو سپلائی مستقل طور پر بند کیجائے اور سی آئی اے اور بلیک واٹر کے ایجنٹوں کو ملک سے نکالا جائے۔