اسلام ٹائمز۔ ذرائع کے مطابق، افغانستان میں گرفتار کیے گئے 25 سے زائد کالعدم تنظیم کے افراد پاکستان میں ہونے والی دہشت گردی کی مختلف کارروائیوں میں بھی ملوث ہیں۔ افغان جیلوں میں موجود ان دہشت گردوں سے افغان حکام نے تحقیقات بھی کی ہیں جس پر وزارت داخلہ نے افغان حکومت سے رابطہ کیا ہے اور درخواست کی ہے کہ گرفتار دہشت گردوں کی تفصیلات سے متعلق پاکستان کو آگاہ کیا جائے، اس سلسلہ میں افغان حکومت کو خط لکھنے کے ساتھ ساتھ ایک اعلیٰ افسر براہ راست افغان حکومت کے ساتھ رابطے میں بھی رہیں گے۔