اسلام ٹائمز۔ صدر آصف علی زرداری نے لاہور ہائیکورٹ کے 4 ایڈیشنل ججز کو مستقل کرنے کی منظوری دیدی ہے۔ ایوان صدر سے جاری اعلامیے کے مطابق، صدر مملکت آصف علی زرداری نے لاہور ہائیکورٹ کے چار ججوں جسٹس محمد کاظم رضا شمسی، جسٹس ملک شہزاد احمد، جسٹس چوہدری یونس اور جسٹس افتخار حسین شاہ کو مستقل کردیا ہے۔ اعلامیے کے مطابق، چاروں ایڈیشنل ججز کو مستقل کرنے کی منظوری وزیراعظم کی سفارش پر کی گئی۔