اسلام ٹائمز۔ خیبر پختونخوا میں حکومت سازی کیلئے تحریک انصاف کے سربراہ عمران خان، جمعیت علماء اسلام (ف) کے سربراہ مولانا فضل الرحمان اور مسلم لیگ نون کے سربراہ نواز شریف نے امیر جماعت اسلامی سید منور حسن سے رابطے کئے ہیں۔ جماعت اسلامی کے ترجمان اسرار اللہ ایڈووکیٹ نے میڈیا کو بتایا کہ خیبر پختونخوا میں حکومت سازی کیلئے چیئرمین تحریک انصاف عمران خان، جے یو آئی (ف) کے سربراہ مولانا فضل الرحمان اور سربراہ مسلم لیگ نون میاں نواز شریف نے سید منور حسن سے ٹیلی فون پر رابطے کئے ہیں، تاہم جماعت اسلامی کس پارٹی سے حکومتی اتحاد کر ے گی اس کا فیصلہ پارٹی کی صوبائی مجلس عاملہ کرے گی۔ اسرار اللہ ایڈووکیٹ کے مطابق جماعت اسلامی کی صوبائی مجلس عاملہ کا ہنگامی اجلاس کل پشاور میں طلب کیا گیا ہے۔