اسلام ٹائمز۔ خیبر پختونخوا کے ضلع ہنگو میں امریکی ڈرون طیاروں کی پروازوں کے باعث عوام میں شدید خوف و ہراس پھیل گیا، ذرائع کے مطابق امریکی ڈرون طیاروں نے آج صبح ضلع ہنگو کے علاقوں دوآبہ، درسمند اور ٹل پر پروازیں کیں، جس کے باعث لوگوں میں خوف و ہراس پھیل گیا۔ عینی شاہدین کے مطابق فضاء میں تین ڈرون طیارے کافی دیر تک پروازیں کرتے رہے۔ واضح رہے کہ چند روز قبل امریکی ڈرون طیارے نے ہنگو کے علاقہ ٹل میں ایک مدرسہ پر حملہ کیا تھا۔