اسلام ٹائمز۔ جمعیت علمائے اسلام (ف) کے سربراہ مولانا فضل الرحمان نے ایک بار پھر اپنے تیروں کا رخ عمران خان کی طرف کرلیا ہے، کہتے ہیں کہ عمران خان سنجیدہ سیاست دان نہیں ہے، ان کا دوسرا نام یو ٹرن خان ہے۔ بنوں میں میڈیا سے بات چیت کرتے ہوئے مولانا فضل الرحمان نے کہا کہ عمران خان ہر مسئلے پر یو ٹرن لیتے ہیں، ان کا دوسرا نام یو ٹرن خان ہے۔ انہوں نے کہا کہ خیبرپختونخوا حکومت خود دھاندلی کی پیداوار ہے۔ عمران خان صرف چار حلقوں پر احتجاج کر رہے ہیں جبکہ دھاندلی پورے ملک میں ہوئی ہے۔ انہوں نے کہا کہ عمران خان سنجیدہ سیاست دان نہیں۔