مسجد اقصٰی پر اسرائیلی حملہ دہشتگردی ہے، نواز شریف

اسلام ٹائمز۔ وزیراعظم میاں محمد نواز شریف کی جانب سے جاری مذمتی بیان میں کہا گیا ہے کہ اسرائیل نے ہمیشہ بین الاقوامی قوانین اور فلسطینیوں کے انسانی حقوق کی خلاف ورزی کی ہے۔ پاکستان فلسطینیوں پر اسرائیلی مظالم کیخلاف ہے۔ وزیراعظم نے قبلہ اول مسجد اقصٰی پر اسرائیلی فوجوں کے حملے کی شدید الفاظ میں مذمت کرتے ہوئے کہا کہ مسجد اقصٰی پر اسرائیلی فورسز کا حملہ دہشتگردانہ عمل ہے۔ پاکستان کو توقع ہے کہ اقوام متحدہ اس کا نوٹس لے گی۔