اسلام ٹائمز۔ صیہونی سکیورٹی فورسز مسجد اقصٰی کے کمپاؤنڈ میں داخل ہوگئی، جس کے نتیجے میں فلسطینی شہریوں نے مزاحمت کی اور صیہونی سکیورٹی فورسز پر پتھراؤ کیا، صیہونی فورسز کے ساتھ تصادم میں 20 افراد زخمی ہوگئے۔ صیہونی سکیورٹی فورسز نے مسجد اقصٰی میں داخل ہونے کی کوشش کی، جس کے بعد مسجد اقصٰی کے ارد گرد تعینات صہیونی فوج اور فلسطینیوں کے درمیان جھڑپیں ہوئی ہیں، صیہونی فوجیوں نے فلسطینیوں کو قبلہ اول سے دور رکھنے کے لئے ان پر لاٹھی چارج اور اشک آور گیس کی شیلنگ بھی کی ہے۔ جھڑپوں کے دوران بیس نمازی زخمی ہوئے، صیہونی فوج نے مسجد میں پچاس سال سے کم عمر کے مسلمان مرد و خواتین کے داخلے پر پابندی لگا رکھی ہے۔