خاندان رسالتﷺ نے اپنا خون بہا کر اور گھر بار لٹا کر ظلم کیخلاف ڈٹ جانے کا پیغام دیا، سید محمد ذکریا

اسلام ٹائمز۔ جمعیت علماء اسلام ضلع فیصل آباد کے ضلعی امیر سید محمد زکریا نے کہا ہے کہ حضرت امام حسینؑ کی قربانی اسلام کی تاریخ کا وہ عظیم الشان باب ہے، جو رہتی دنیا تک بہادری کا پیغام دیتا رہے گا، واقعہ کربلا کائنات کا وہ ظلم ہے، جو کبھی فراموش نہیں کیا جا سکتا۔ جے یو آئی کے رہنما کا کہنا تھا کہ خاندان رسالتﷺ نے اپنا خون بہا کر اور گھر بار لٹا کر آئندہ آنے والی نسلوں کو جو پیغام دیا اس کو آج اپنانے کی ضرورت ہے۔ انہوں نے کہا کہ ہمیں اسوہ حسینیؑ پر عمل کرتے ہوئے ظالم کا سر جھکانا ہو گا اور مظلوموں کے لئے آواز اٹھانا ہو گی، غیر ملکی قوتیں ہمیں فرقہ وارانہ فسادات میں الجھا کر تباہ کرنا چاہتی ہیں، ہمیں آپس کے اتحاد سے ایسی ہر سازش کو ناکام بنانا ہو گا۔