اسلام ٹائمز۔ ہری پور کے علاقہ بیر کے قریب مسافر وین کھائی میں گرنے سے 18 افراد زخمی ہوگئے۔ ذرائع کے مطابق ہری پور کے نواحی علاقے بیر جانے والی مسافر بس تیز رفتاری کے باعث موڑ کاٹتے ہوئے کھائی میں جا گری، جس کے نتیجے میں 18 افراد زخمی ہوگئے۔ مقامی افراد اور امدادی کارکنوں نے زخمیوں کو فوری طور پر اسپتال پہنچایا، جہاں انہیں طبی امداد فراہم کی گئی، طبی عملے کا کہنا ہے کہ زخمیوں میں سے 2 کی حالت تشویشناک ہے۔