اسلام ٹائمز۔ مہمند ایجنسی سے منتخب رکن قومی اسمبلی بلال رحمان نے سکیورٹی فورسز سے ایجنسی میں موبائل سروس بحال کرنے کی گزارش کی ہے۔ اس سلسلے میں بلال رحمان نے آئی جی ایف سی کو ایک خط ارسال کیا ہے جس میں استدعا کی گئی کہ گزشتہ دو ماہ سے ایجنسی میں موبائل سروس کی معطلی کے باعث عوام مشکلات کا شکار ہیں، ایک طرف اگر کاروبار متاثر ہوا ہے تو دوسری جانب رابطوں میں بھی انہیں دقت کا سامنا کرنا پڑتا ہے۔ ممبر قومی اسمبلی نے آئی جی ایف سی سے مطالبہ کیا کہ عوام کی سہولت کے لیے متعلقہ اداروں کو یہ سروس بحال کرنے کے احکامات جاری کریں۔