اسلام ٹائمز۔ پاکستان پیپلز پارٹی کے شریک چیئرمین اور سابق صدر آصف علی زرداری نے سید مراد علی شاہ کو وزیراعلیٰ منتخب ہونے پر مبارکباد پیش کی ہے۔ آصف علی زرداری نے اپنے پیغام میں کہا ہے کہ مراد علی شاہ سندھ کے عوام کے اعتماد پر پورا اتریں گے اور ان کی قیادت میں ترقی یافتہ سندھ ہوگا۔ انہوں نے مراد علی شاہ کو ہدایت کی کہ سندھ کے عوام کی بے مثال خدمت کی جائے اور عوام کے لئے روزگار کے مواقع پیدا کئے جائیں، ساتھ ہی ساتھ تعلیم، صحت اور امن کیلئے کام کیا جائے۔