آستانہ:
اسلام ٹائمز۔ صدر آصف علی زرداری نے قزاقستان میں اپنے ایرانی ہم منصب ڈاکٹر احمدی نژاد سے ملاقات کی، جس میں دو طرفہ تعلقات اور خطے کی صورتحال پر تبادلہ خیال کیا گیا۔ قزاقستان کے دارالحکومت آستانہ میں شنگھائی تعاون تنظیم کی سربراہی کانفرنس کے موقع پر دونوں رہنماؤں نے علاقائی امن اور استحکام کیلئے قریبی تعاون جاری رکھنے کے عزم کا اظہار کیا۔ ملاقات میں دوطرفہ، علاقائی اور عالمی مسائل پر تبادلہ خیال کیا گیا۔ دونوں رہنماؤں نے ایران اور پاکستان کے درمیان معیشت کے شعبوں میں تعاون کے نئے مواقع پیدا کرنے کے عزم کا اظہار کیا۔