1
0
Tuesday 20 Aug 2019 20:46

بھارت میں اربوں ڈالر کی سرمایہ کاری سے سعودی عرب کی پاکستان میں 70 سال کی کمائی ضائع ہوگئی، ہارون الرشید

بھارت میں اربوں ڈالر کی سرمایہ کاری سے سعودی عرب کی پاکستان میں 70 سال کی کمائی ضائع ہوگئی، ہارون الرشید
اسلام ٹائمز۔ سینیئر صحافی و تجزیہ کار ہارون الرشید نے مائیکرو بلاگنگ ویب سائٹ ٹویٹر پر اپنے پیغام میں کہا ہے کہ بھارت میں اربوں ڈالر کی سرمایہ کاری سے سعودی عرب نے پاکستان میں اپنی 70 برس کی کمائی ضائع کر دی ہے۔ اگر خدانخواستہ اسرائیل حملہ آور ہو تو ترک اور پاکستانی ہی حجاز کے دفاع میں سربکف ہوں گے۔ اپنے ٹویٹر پیغام میں ہارون الرشید نے کہا کہ جنت جل رہی ہے اور ہم سب خاموشی سے رو رہے ہیں، یہ ایک ممتاز اداکارہ نے لکھا ہے، روئیں کیوں؟ مظلوم کشمیریوں کی ان شاء اللہ مدد کریں گے۔ جو عزم رکھتے ہیں، وہ راستے بھی ڈھونڈ نکالتے ہیں، اللہ نے اپنی دنیا شیطان کے حوالے نہیں کر دی۔ اک در بند سو در کُھلے ہیں۔ اُن کا مزید کہنا تھا کہ عرب، عرب نہیں رہے، مٹی کا ڈھیر ہوگئے ہیں، مان لیا کہ اسرائیل ان پر مسلط کر دیا گیا تھا، دنیا کی واحد بت پرست قوم بھارت کے در دولت پہ تو وہ خود سجدہ ریز ہیں، ان کا مزید کہنا تھا کہ بتوں سے تجھ کو اُمیدیں خدا سے نا اُمیدی/ مجھے بتا تو سہی اور کافری کیا ہے۔
خبر کا کوڈ : 811721
رائے ارسال کرنا
آپ کا نام

آپکا ایمیل ایڈریس
آپکی رائے

Europe
you are right writing