اسلام آباد:
اسلام ٹائمز۔ امریکی سفارتخانے کے سکیورٹی اسٹاف کے ناروا سلوک پر عوامی نیشنل پارٹی کے سینئر نائب صدر سینیٹر حاجی عدیل نے چیئرمین سینٹ کو خط لکھ دیا ہے۔ حاجی عدیل کی جانب سے چیئرمین سینٹ فاروق ایچ نائیک کو لکھے جانے والے خط میں کہا گیا ہے کہ امریکی سفارتخانے کے سکیورٹی سٹاف نے ایک رکن پارلیمنٹ کی عزت و احترام کو بالائے طاق رکھا اور اراکین پارلیمنٹ کے پروٹوکول کو بھی نظرانداز کیا، جس پر فوری طور پر دفتر خارجہ کے حکام کو طلب کیا جائے اور ان سے اس معاملے کی باز پرس کی جائے۔