اسلام ٹائمز۔ پاکستان پیپلز پارٹی کے رہنما اور سینیٹر مولا بخش چانڈیو نے کہا ہے کہ آٹے کا بحران اور مہنگائی نااہل حکومت کا تحفہ ہیں، حکومت نے ملک کو بحرانوں اور عوام کو بدحالی سے دوچار کیا۔ ایک بیان میں پی پی رہنما مولا بخش چانڈیو نے کہا ہے کہ خان صاحب نے آئی ایم ایف کی ہر شرط مان کر غریب سے نوالا چھینا، آٹے کا بحران اور مہنگائی نااہل حکومت کا تحفہ ہیں۔ انہوں نے کہا کہ حکومت نے ملک کو بحرانوں اور عوام کو بدحالی سے دوچار کیا، خان صاحب نے اقتدار سنبھالتے ہی بجلی، گیس اور پیٹرول کی قیمت بڑھائی، وفاقی وزراء عوام کے خیرخواہ ہیں اور نہ ہی وزیراعظم کے۔ مولا بخش چانڈیو کا کہنا تھا کہ آئی ایم ایف کی شرط پر مہنگائی آٹے کی قیمتوں میں اضافے کی وجہ بنی۔