کرونا وائرس سے فوت ہونیوالے کی میت ملتان سے میانوالی لانیوالے افراد میت چھوڑ کر غائب ہو گئے

اسلام ٹائمز۔ کورونا وائرس سے جاں بحق ہونے والے کالاباغ کے نواحی علاقہ مانجہ غنڈی کے رہائشی جلیل خان کی نماز جنازہ ادا کر دی گئی۔ نمازہ جنازہ میں پانچ افراد کو شرکت کی اجازت دی گئی۔ تفصیلات کے مطابق میانوالی کے کالاباغ سے ٹولہ بانگی خیل اور اسکے ملحقہ علاقوں سے گیارہ رکنی تبلیغی جماعت میلسی ملتان تبلیغ کے سلسلے میں گئی، جہاں مانجہ غنڈی کے رہائشی جلیل خان گزشتہ روز وفات پاگئے، تمام جماعت واپس آبائی گاؤں تدفین کے لئے آرہی تھی، چیکنگ پر میت کے ساتھ آنے والے غائب ہو گئے، صرف 2 افراد رہ گئے۔ جس پر ضلعی انتظامیہ نے میت کو اپنی تحویل میں لے لیا، متوفی کے دو ساتھیوں اور ایمبولینس ڈرائیور کو قرنطینہ منتقل کردیا گیا ہے۔