0
Saturday 23 Nov 2013 14:25
اسلام ٹائمز۔ کراچی کا علاقہ انچولی رات سوا گیارہ بجے کے قریب یکے بعد دیگرے دو بم دھماکوں سے گونج اٹھا۔ عینی شاہدین کے مطابق انچولی اسٹاپ پر چائے کے ہوٹل کے باہر زوردار دھماکہ ہوا، جس کے بعد افراتفری مچ گئی، اسی دوران دوسرا دھماکہ ہوگیا۔ دھماکے میں 6 افراد شہید ہوئے ہیں جبکہ زخمیوں کی کل تعداد 40 ہے، شہید ہونے والوں میں ایک نجی ٹی وی کے ایسوسی ایٹ پروڈیوسر سالک علی جعفری بھی شامل ہیں جبکہ اطلاع کے مطابق شہید ہونے والوں میں اہل سنت اور اہل تشیع افراد شامل ہیں۔ تفصیلات کے مطابق انچولی کے علاقے میں پہلا دھماکہ بیکری شاپ کے سامنے ہوا جبکہ دوسرا دھماکہ پکوان شاپ کے قریب ہوا۔ دونوں دھماکے موٹر سائیکل میں نصب ریمورٹ کنٹرول ڈیوائس کے ذریعے کیے گئے۔ دھماکے اس قدر زروردار تھے کہ ان کی آواز دور تک سنائی دی۔ دھماکوں کے بعد علاقے میں خوف وہراس پھیل گیا۔ دھماکوں کے فوری بعد ریسکیو کی ٹیمیں جائے وقوع پر پہنچ گئیں، جہاں سے جاں بحق اور زخمی ہونے والوں کو عباسی شہید اسپتال اور سول اسپتال منتقل کیا گیا۔ سی آئی ڈی پولیس شواہد اکٹھے کرنے جائے وقوع پر پہنچ گئی۔ شاہراہ پاکستان پر ٹریفک کیلئے کے ایک ٹریک کو مکمل طور پر بند کر دیا گیا۔ دھماکے سے ڈپٹی پراسیکیوٹر جنرل نیب سندھ کی گاڑی بھی تباہ ہوئی۔
دوسری جانب مجلس وحدت مسلمین پاکستان کے مرکزی ڈپٹی سیکرٹری جنرل علامہ سید حسن ظفر نقوی، شیعہ علماء کونسل صوبہ سندھ کے جنرل سیکریٹری علامہ ناظر عباس تقوی، پیپلز پارٹی کے رہنما فیصل رضا عابدی، ایم کیو ایم کے رہنما عادل صدیقی، ڈاکٹر صغیر احمد، مرکزی تنظیم عزا کے صدر سلمان مجتبٰی نقوی، آئی ایس او کے رہنما قاسم نقوی، مجلس ذاکرین امامیہ پاکستان کے رہنما علامہ جعفر رضا نقوی، جعفریہ الائنس کے رہنما شبر رضا سمیت دیگر سیاسی و مذہبی تنظیموں کے رہنماؤں نے عباسی شہید ہسپتال اور آغا خان ہسپتال میں زخمیوں کی عیادت کی۔ اس موقع پر ہسپتال میں جعفریہ ڈیزازسٹر سیل اور وحدت یوتھ کے رضاکار بھی موجود تھے۔
دوسری جانب مجلس وحدت مسلمین پاکستان کے مرکزی ڈپٹی سیکرٹری جنرل علامہ سید حسن ظفر نقوی، شیعہ علماء کونسل صوبہ سندھ کے جنرل سیکریٹری علامہ ناظر عباس تقوی، پیپلز پارٹی کے رہنما فیصل رضا عابدی، ایم کیو ایم کے رہنما عادل صدیقی، ڈاکٹر صغیر احمد، مرکزی تنظیم عزا کے صدر سلمان مجتبٰی نقوی، آئی ایس او کے رہنما قاسم نقوی، مجلس ذاکرین امامیہ پاکستان کے رہنما علامہ جعفر رضا نقوی، جعفریہ الائنس کے رہنما شبر رضا سمیت دیگر سیاسی و مذہبی تنظیموں کے رہنماؤں نے عباسی شہید ہسپتال اور آغا خان ہسپتال میں زخمیوں کی عیادت کی۔ اس موقع پر ہسپتال میں جعفریہ ڈیزازسٹر سیل اور وحدت یوتھ کے رضاکار بھی موجود تھے۔
خبر کا کوڈ : 323822
منتخب
10 May 2024
9 May 2024
9 May 2024
8 May 2024
7 May 2024
7 May 2024
7 May 2024
ہماری پیشکش
