پشاور دھماکہ کے شہید پولیس اہلکاروں کی نماز جنازہ ادا کردی گئی

اسلام ٹائمز۔ پشاور پولیس لائنز مسجد دھماکے میں شہید ہونیوالے پولیس اہلکاروں کی نماز جنازہ پولیس لائنز میں ادا کردی گئی، نماز جنازہ میں نگراں وزیراعلیٰ اعظم خان، کور کمانڈر پشاور آئی جی پولیس خیبر پختونخوا معظم جاہ انصاری سمیت اہم سیاسی و حکومتی شخصیات اور اعلیٰ افسران نے بھی شرکت کی۔ شہداء کی نماز جنازہ کے بعد انہیں پولیس اہلکاروں نے سلامی پیش کی اور مکمل سرکاری اعزاز کیساتھ شہداء کو خراج عقیدت پیش کیا گیا۔ یاد رہے کہ پولیس لائنز میں ہونے والے خودکش حملہ میں اب تک پولیس اہلکاروں سمیت اڑتالیس افراد شہید ہوچکے ہیں۔