اسلام ٹائمز۔ نائجر کی عوام نے شہر اگادیز (Agadez) میں واقع امریکی فوج کے ایک اڈے کے سامنے بڑی تعداد میں جمع ہو کر ملک میں امریکی فوجیوں کی مسلسل غیرقانونی موجودگی کے خلاف پھرپور احتجاج کیا ہے۔
اس عوامی مظاہرے میں شریک ایک شہری کا مقامی ای مجلے ایئر انفو اگادیز (Aïr Info Agadez) کے ساتھ گفتگو میں کہنا تھا کہ ہم اگادیز اور تمام نائجر کے لوگ اس بات پر پختہ یقین رکھتے ہیں کہ ہمارے علاقوں میں کسی بھی غیر ملکی فوجی اڈے کی موجودگی ہماری سلامتی میں کسی بھی قسم کی مدد نہیں پہنچا سکتی اور صرف اور صرف نوآبادیاتی نظام کا سبب ہی بنے گی۔
اس مظاہرے کے شرکاء نے نائجر، مالی اور روس کے جھنڈے و پلے کارڈز اٹھا رکھے تھے جن پر نائجر کی سرزمین سے امریکی افواج کے مکمل انخلاء کا مطالبہ درج تھا۔