اسلام ٹائمز۔ افغانستان کے جنوبی صوبے نمروز میں پولیس چیک پوائنٹ کے قریب بم دھماکہ ہوا، جسکے نتیجے میں 2 پولیس اہلکاروں سمیت 7 افراد ہلاک ہوگئے۔ حکام کے مطابق دھماکہ اس وقت ہوا جب پولیس کی گاڑی کچھ افراد کو مقدموں کی سماعت کے لئے عدالت لے جا رہی تھی، جو کہ صوبے کے دارالحکومت زارنج میں واقع ہے۔ دھماکے کے نتیجے میں 2 پولیس اہلکاروں سمیت 7 افراد ہلاک ہوگئے۔ بتایا جاتا ہے کہ چیک پوائنٹ سڑک کے کنارے واقع تھی۔ جس کی وجہ سے چیک پوائنٹ کو بھی شدید نقصان پہنچا ہے۔