اسلام ٹائمز۔ نیشنل ڈیزاسٹر مینجمنٹ اتھارٹی نے آئندہ اڑتالیس گھنٹوں کے دوران سیلاب کے خطرے کے پیش نظر صوبائی حکومتوں کو نشیبی علاقے خالی کرانے کی وارننگ جاری کر دی۔ این ڈی ایم اے کی ایڈوائزی کے مطابق دو دن میں لاہور، پشاور، ملاکنڈ، راولپنڈی، ڈیرہ غازی خان، ڈی آئی خان، نصیر آباد اور دیگر اضلاع میں شدید بارش اور سیلاب کا خطرہ ہے۔ این ڈی ایم اے نے صوبائی حکومتوں کو ہدایات جاری کر دی ہیں، تاکہ نشیبی علاقوں اور آبی گزرگاہوں کے رہائشیوں کو محفوظ مقامات پر منتقل کرنے کے انتظامات کیے جاسکیں۔