پی پی کو جتنا نقصان مہدی شاہ نے پہنچایا ہے اتنا ضیاء الحق بھی نہیں پہنچا سکا، پی پی اسکردو

اسلام ٹائمز۔ پاکستان پیپلز پارٹی اسکردو کے تمام سینئر رہنماوں نے وزیر اعلیٰ گلگت بلتستان سید مہدی شاہ کی پالیسیوں سے تنگ آکر احتجاجا استعفیٰ دے دیا۔ مستعفی ہونے والوں میں پاکستان پیپلز پارٹی اسکردو کے سینئر رہنماوں میں ضلعی صدر یوسف حسین نمبردار، جنرل سیکرٹری عبداللہ حیدری، نائب صدر عباس پاروی، پبلک ریلیشن آفیسر غلام عباس شگری، تحصیل کھرمنگ کے صدر ایاز علی صیام، سینئیر نائب صدر سٹی محمد یونس، جنرل سیکرٹری سٹی اسکردو رسول بیگ، سٹی صدر محمد اقبال، پی وائی او بلتستان کے صدر خواجہ قاسم، سیکرٹری اطلاعات غلام علی وفا شامل ہیں۔ تمام عہدیداروں نے استعفیٰ تحریری طور پر پارٹی کے شریک چیئرمین آصف علی زرداری کو ارسال کر دیئے ہیں۔