اسلام ٹائمز۔ وفاقی وزیر پٹرولیم و قدرتی وسائل شاہد خاقان عباسی کی سربراہی میں ایک اعلٰی سطحی وفد ایران پاکستان گیس پائپ لائن منصوبے پر عملدرآمد کی رفتار تیز کرنے سے متعلق امور پر تبادلہ خیال کیلئے تہران پہنچ گیا، جو ایران پاکستان گیس پائپ لائن منصوبے پر عملدرآمد تیز کرنے سے متعلق ایرانی حکام سے بات چیت کریگا۔ توقع ہے کہ پاکستانی وفد ایرانی حکام کو نئی تجاویز بھی دیگا۔ امکان ہے شاہد خاقان عباسی (آج) اپنے ایرانی ہم منصب بیژن نامدار زنگنہ سے ملاقات کریں گے۔