اسلام ٹائمز۔ ہیکروں کی تنظیم انانیمس نے دعویٰ کیا ہے کہ اس نے داعش سے منسلک پانچ ہزار پانچ سو ٹوئیٹر اکاؤنٹس کو ہیک کر دیا ہے۔ واضح رہے کہ پیرس پر حملوں کے بعد اس تنظیم نے مبینہ طور پر اپنی طرف سے داعش اور القاعدہ کے انتہا پسندوں کے خلاف آن لائن اعلان جنگ کر رکھا ہے۔ مذکورہ تنظیم کی طرف سے جاری کیے گئے ویڈیو بیان میں تنظیم کے ماسک پہنے ہوئے ترجمان نے کہا ہے کہ وہ انسانیت کو متحد اور دولت اسلامیہ کو تباہ کرنے کے لیے اپنی کارروائیوں میں تیزی لائیں گے۔ فرانسیسی زبان میں بات کرتے ہوئے ترجمان کا کہنا تھا دولت اسلامیہ مقابلے کے لیے تیار ہو جائے، اینانیمس تمھیں دنیا کے ہر کونے سے تلاش کر لے گی۔ یہ امر بھی قابل توجہ ہے کہ عالمی قوانین کے مطابق ہیکنگ بھی غیر قانونی ہے، انانیمس بحی داعش کی طرح ایک غیر قانون تنظیم ہے۔ دوسرا نکتہ یہ ہے کہ کیا ہیکنگ سے داعش جیسی تنظیموں کو ختم کیا جا سکتا ہے۔