اسلام ٹائمز۔ پاکستان عوامی تحریک فیصل آباد کے رہنما سعید ہاشمی نے میڈیا سے گفتگو کرتے ہوئے کہا ہے کہ موجودہ حکمران ریاست کو تباہ کرنے پر تلے ہوئے ہیں، لیکن پاکستانی قوم ایسا نہیں ہونے دے گی۔ فیصل آباد میں صحافیوں سے بات چیت کرتے ہوئے پاکستان عوامی تحریک کے مقامی رہنما کا کہنا تھا کہ سانحہ ماڈل ٹاؤن میں ملوث حکمران انصاف کی راہ میں سب سے بڑی رکاوٹ ہیں۔ انہوں نے کہا کہ گو نواز گو کا نعرہ پوری قوم کی آواز بن چکا ہے۔ انہوں نے کہا کہ عوام اپنے آئینی حقوق کے تحفظ کے لیے تین ستمبر کو گھروں سے نکلیں گے۔