اسلام ٹائمز۔ کراچی سرکلر ریلوے کی اراضی پر قابض مافیاز کیخلاف جلد ہی رینجرز، پولیس اور اینٹی انکروچمنٹ فورس کے ذریعے آپریشن بھی شروع کیا جائے گا۔ کراچی سرکلر ریلوے منصوبے کی ایکنیک سے منظوری کے بعد پلاننگ کمیشن نے فیصلہ کیا ہے کہ پاکستان کا جوائنٹ ورکنگ گروپ ماہ دسمبر میں چین جائے گا، جہاں جوائنٹ کوآرڈنیشن کمیٹی کے اجلاس میں شرکت کرکے چینی ماہرین کو منصوبے کے تیکنیکی و معاشی امور پر تفصیلی بریفنگ دے گا۔ اس اجلاس میں منصوبہ کو سی پیک فریم ورک میں فائنل کیا جائے گا، جس کے بعد چین و پاکستان کی حکومتیں کے درمیان حتمی معاہدہ طے پایا جائے گا۔ وزیراعظم پاکستان نے وزارت ریلوے کو بھی کراچی سرکلر ریلوے کے رائٹ آف وے اور کراچی اربن ٹرانسپورٹ کارپوریشن کو حکومت سندھ کے حوالے کرنے کے احکامات جاری کر دیئے ہیں۔ کراچی سرکلر ریلوے کی اراضی پر قابض مافیاز کیخلاف جلد ہی رینجرز، پولیس اور اینٹی انکروچمنٹ فورس کے ذریعے آپریشن بھی شروع کیا جائے گا۔