اسلام ٹائمز۔ بین الاقوامی شہرت کے حامل معروف قاری محمد عبد الغفار نقشبندی کی قرات ونعت کے حوالے سے خدمات پر ایک تقریب میں گورنر پنجاب ملک رفیق رجوانہ نے انہیں ایک شیلڈ دی، اس موقع پر معروف صحافی خالد مسعود، مشیر وزیراعظم عرفان صدیقی، میاں انیس شیخ ودیگر شخصیات بھی موجود تھیں، اس موقع پر گورنر پنجاب نے اپنے تاثرات میں کہا کہ قاری محمد عبدالغفار نقشبندی یقینا اس خطے کا فخر ہیں، ان کی خدمات کو فراموش نہیں کیا جا سکتا، ان کے لئے صرف شیلڈ کا عزاز معمولی نوعیت کا ہے۔ ہم ان کی خدمات کو خراج تحسین پیش کرتے ہیں اور دعا گو ہیں کہ اللہ تعالی انہیں مزید ہمت اور استقامت عطا فرمائے۔