اسلام ٹائمز۔ آئی جی خیبر پختونخوا نے یوم عاشور پر اپنے حصے کا کھانا غریب بچوں کو کھلانے والے پولیس اہلکار برکت اللہ شاہ کو نقد انعام اور تعریفی اسناد دیں۔ یوم عاشور کے موقع پر خیبر پختونخوا کے شہر بنوں میں سکیورٹی پر معمور پولیس اہلکاروں کیلئے پولیس لائن سے کھانا فراہم کیا گیا تھا، جس پر پولیس اہلکار برکت علی شاہ نے قریب ہی موجود 2 غریب بچوں کو اپنے حصے کا کھانا کھلایا تھا۔ اس موقع پر لی گئی تصویر سوشل میڈیا پر وائرل ہوگئی جسے سوشل میڈیا صارفین نے بے حد سراہا اور اسے پولیس کا مثبت چہرہ قرار دیا۔ سوشل میڈیا پر تصویر کی شہرت کے بعد آئی جی خیبر پختونخوا کی جانب سے ڈی پی او بنوں یاسر آفریدی نے سپاہی برکت اللہ شاہ کی حوصلہ افزائی کیلئے نقد انعام اور تعریفی اسناد دیں۔