اسلام ٹائمز۔ شہر قائد کے علاقے لیاری سنگو لین کی رہائشی ساڑھے 3 سالہ صفہ مہلک پولیو وائرس کا شکار ہونے والی رواں سال میں پہلی بچی ہے۔ تفصیلات کے مطابق کراچی میں رواں سال کا پہلا پولیو کیس رپورٹ ہوا ہے، لیاری سنگو لین کی رہائشی ساڑھے 3 سالہ صفہ مہلک پولیو وائرس کا شکار ہوئی ہے، محکمہ صحت کراچی نے بچی میں پولیو وائرس کی تصدیق کر دی ہے۔ 3 سالہ سالہ صفہ رواں سال پولیو کی شکار ہونے والی پہلی بچی ہے، جبکہ گزشتہ سال کراچی گڈاپ میں پولیو کا ایک کیس رپورٹ ہوا تھا۔