اسلام ٹائمز۔ اتحاد تنظیمات مدارس خیبر پختونخوا کا کہنا ہے کہ حکومت مدارس کے حوالے سے معاہدے کی خلاف ورزی کر رہی ہے۔ اتحاد تنظیمات مدارس خیبر پختونخوا نے حکومت سے معاہدے کی پاسداری کا مطالبہ کرتے ہوئے کہا کہ حکومت مدارس کے حوالے سے معاہدے کی خلاف ورزی کر رہی ہے، کوائف کے نام پر مدارس انتظامیہ کو تنگ کیا جا رہا ہے۔ ترجمان اتحاد تنظیمات مدارس خیبر پختونخوا کا کہنا تھا کہ معاہدے کے تحت محکمہ تعلیم کے علاوہ کوئی ادارہ کوائف نہیں مانگ سکتا، معاہدے کے برعکس مدارس سے غیر متعلقہ معلومات مانگی جا رہی ہیں۔