اسلام ٹائمز۔ لاہور میں سموگ کے باعث کل جمعہ کے روز تمام پرائیویٹ اور سرکاری تعلیمی اداروں میں چھٹی کر دی گئی ہے۔ محکمہ سکول ایجوکیشن پنجب کے حکام نے اعلی حکام سے مشاورت کے بعد یہ فیصلہ کیا ہے۔ شہر میں بڑھتی ہوئی سموگ سے بچوں کو بچانے کے لیے کل جمعہ کے روز چھٹی دی جائے جس پر محکمہ سکول ایجوکیشن نے نوٹیفکیشن جاری کرتے ہوئے ڈپٹی کمشنر لاہور اور سی ای او ایجوکیشن کو مراسلہ جاری کر دیا ہے کہ کل پرائیویٹ اور سرکاری سکولوں کو مکمل طور پر بند کرایا جائے۔ نوٹیفکیشن کے مطابق کل بروز جمعہ شہر میں پرائیویٹ اور سرکاری سکول بند رہیں گے۔