تہران:
اسلام ٹائمز۔ ایران کی جنگی مشقیں ختم، پاسدران انقلاب کی فضائیہ کے سربراہ امیر علی حاجی زادے نے انتباہ کیا کہ تہران پر حملے کی صورت میں امریکا اور اسرائیل کو نشانہ بنایا جائیگا۔ پاسداران انقلاب کی فضائیہ کے چیف امیر علی حاجی زادے نے وسطی ایران میں چھ روزہ جنگی مشقوں کے خاتمے پر کہا کہ ایران نے اپنے دفاع کو ناقابل تسخیر بنا دیا ہے۔ خطے میں جاسوس امریکی طیاروں کی موجودگی میں دو میزائل بحرہ ہند ہدف پر داغے، لیکن امریکا کو اس کا پتہ بھی نہیں چلا۔ امیر علی حاجی زادے نے انتباہ کیا کہ تہران کے خلاف جارحیت کی صورت میں خطے میں موجود امریکی بحری بیڑوں، جنگی جہازوں اور اسرائیل کو نشانہ بنایا جائیگا۔ ایران نے ان مشقوں کے دوران درمیانی اور طویل فاصلے تک مار کرنے والے جدید میزائلوں کا تجربہ کیا۔