اسلام ٹائمز۔ عرب میڈیا نے آج حجاز کے جنوبی علاقے میں واقع سعودی فوجی اہداف پر ہونے والے یمنی ڈرون حملے کی خبر دی ہے۔ تفصیلات کے مطابق سعودی نیوز چینل
العربیہ نے یمنی مسلح افواج کے ترجمان جنرل یحیی سریع سے نقل کرتے ہوئے اعلان کیا ہے کہ یمنی فورسز نے خمیس مشیط میں واقع سعودی فوجی اہداف کو 1 عدد خودکش ڈرون طیارے کی مدد سے نشانہ بنایا ہے۔ رپورٹ کے مطابق جارح سعودی فوجی اتحاد نے بھی حسب معمول دعوی کیا ہے کہ اس نے یمنی ڈرون طیارے کو ہدف تک پہنچنے سے قبل ہی نشانہ بنا کر تباہ کر دیا ہے۔