اسلام ٹائمز۔ پشاور میں ذاکر اہلبیت (ع) اور نوحہ خواں خواجہ عمران علی کی شہادت پر امامیہ رابطہ کونسل کی اپیل پر میت کے سمیت گنج کوہاٹی روڈ پر احتجاجی دھرنا دیا گیا۔ دھرنے میں مجلس وحدت مسلمین، شیعہ علماء کونسل اور تحریک نفاذ فقہ جعفریہ کے کارکنوں نے شرکت کی۔ دھرنے کے شرکاء سے شیعہ علماء کونسل خیبر پختونخوا کے سربراہ علامہ محمد رمضان توقیر، امامیہ رابطہ کونسل کے سربراہ میجر (ر) حسنین کاظمی، مجلس وحدت مسلمین پشاور کے ڈپٹی سیکرٹری جنرل ذولفقار حسین اور علامہ ارشاد حسین خلیلی نے خطاب کیا۔
