شہنشاہ نقوی

اسلام ٹائمز۔ شیعہ علماء کونسل کے مرکزی رہنما علامہ سید شہنشاہ حسین نقوی کے ایک ٹریفک حادثے میں زخمی ہونے کے بعد مختلف شخصیات کی جانب سے ان کی عیادت کا سلسلہ جاری ہے۔ زیر نظر تصاویر میں مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری، پاکستان پیپلز پارٹی کی مرکزی رہنما شہلا رضا، جعفریہ الائنس پاکستان کے ایڈیشنل ڈپٹی جنرل سیکریٹری شبر رضا، امامیہ اسٹوڈنٹس آرگنائزیشن پاکستان کراچی ڈویژن کے صدر محمد عابدی، معروف ذاکر اہلبیت (ع) علامہ نقی نقوی، شاعر اہلبیت ظفر عباس ظفر اور نوحہ خوان ناصر زیدی سمیت دیگر شخصیات علامہ شہنشاہ نقوی کی عیادت کررہے ہیں۔ واضح رہے کہ گزشتہ دنوں نوابشاہ سے کراچی واپسی پر علامہ سید شہنشاہ حسین نقوی کی گاڑی کو حادثہ پیش آیا تھا جس میں ان کے دو رفقاء جاں بحق ہوگئے تھے جبکہ علامہ شہنشاہ نقوی شدید زخمی ہوئے تھے۔