اسلام ٹائمز۔ لاہور کے علاقے جوہر ٹاؤن میں ہونیوالے دھماکہ کیس میں ملوث 3 ملزمان کیخلاف جیل میں ٹرائل ہوا۔ انسداد دہشت گردی عدالت کی جج عبہر گل خان نے سماعت کی۔ عدالت نے 3 ملزمان پر فردِجرم عائد کر دی۔ دوران سماعت ملزمان نے صحتِ جرم سے انکار کیا۔ عدالت نے 4 اکتوبر کو پراسیکیوشن کے گواہوں کو طلب کرتے ہوئے سماعت ملتوی کر دی۔ ملزمان میں سمیع الحق، عزیز اکبر اور نوید اختر شامل ہیں۔ ملزمان کیخلاف سی ٹی ڈی انسپکٹر خالد ابوبکر نے چالان جمع کرا رکھا ہے۔