امریکہ پاکستان کی خود مختاری کا احترام کرتا ہے، ترجمان امریکی محکمہ خارجہ

اسلام ٹائمز۔ امریکا پاکستان کی خود مختاری کا احترام کرتا ہے، ترجمان امریکی محکمہ خارجہ کے مطابق نیٹو حملوں میں پاکستانی فوجیوں کی ہلاکت پر اظہار افسوس کر چکے ہیں، نیٹو حملے کی تحقیقات جاری ہیں، ان کا کہنا تھا کہ پاکستان اور امریکا میں بہتر تعلقات دونوں ملکوں کے مفاد میں ہیں۔ ان کا کہنا تھا کہ وزیراعظم گیلانی کے امریکا سے اچھے تعلقات کے بیان کا خیرمقدم کرتے ہیں، ہم پاکستان کے ساتھ اچھے تعلقات رکھنا چاہتے ہیں، بون کانفرنس اہمیت کی حامل تھی، پاکستان کو اس کانفرنس کا حصہ بنانا چاہتے تھے، کیونکہ پاکستان کا خطے میں قیام امن کیلئے اہم کردار ہے، بون کانفرنس میں پاکستان کی شرکت اس کے اپنے مفاد میں تھی۔