اسلام ٹائمز۔ پنجاب اسمبلی میں توانائی بحران پر ہنگامہ آرائی، شہباز شریف کہتے ہیں وہ خود مر جائیں گے، مظاہرین پر گولی نہیں چلائیں گے۔ پنجاب کے وزیراعلٰی میاں شہباز شریف نے کہا ہے کہ میں توانائی بحران کے خلاف احتجاج میں عوام کے ساتھ ہوں۔ وزیراعلٰی کا اسمبلی سے خطاب میں کہنا تھا کہ جن کے گھروں کے چولہے ٹھنڈے ہوگئے، وہ لوگ احتجاج نہ کریں تو اور کیا کریں۔ شہباز شریف کا کہنا تھا کہ پیپلز پارٹی چاہتی ہے کہ میں عوام پر گولی چلائوں، لیکن میں ایسا کبھی نہیں کر سکتا۔ میں توانائی بحران پر مظاہرہ کرنے والے افراد پر گولی نہیں چلائوں گا، خود مر جائوں گا۔